荷李活影星嘅尊尼狄普（JohnnyDepp）嘅嬌妻安芭赫德（AmberHeard）將會加入成為超級英雄系列。安芭將會飾演DC漫畫中，潛水俠（Aquaman）嘅老婆Mera。Mera係海底世界之后，可以於水底呼吸，亦可以將水隨意硬化變成攻擊武器，亦可以發射水彈。不過佢唔可以喺陸上逗留太耐，能力會退化。

安芭話劇組現時研製緊戲服，會係一半盔甲一半魚鱗，相當特別。佢會同飾演潛水俠嘅男星JasonMomoa一齊出現於《正義聯盟》（JusticeLeague）上集，之後會再獨立拍《潛水俠》嘅故事。