林峯自離開TVB後，經常要返內地拍劇，難得返港梗係要同女朋友吳千語見面啦﹗

讀者周小姐爆相爆片，指今午一點幾，喺尖沙嘴R&B餐廳見到林峯跟千語BB開餐，林峯戴咗頂cap帽，揀選靠近窗邊位置坐低。相對早前千語BB去買DVD影碟，都帶上價值四萬元BoyChanel手袋嚟講，今日千語BB打扮樸素，並無名貴手袋跟身。

當時兩人可能到達未幾，睇完餐牌後由林峯點食物後，千語BB開始玩手機，林峯只望住女朋友玩手機。之後侍應端上食物，以沙律及蔬菜為主，林峯額外點咗一碗湯，睇嚟食得好健康，但全程都冇乜交談，自顧自咁食，佢哋約逗留咗個多小時，先埋單離去。