陳卓賢家庭聚會冇預索模女友 拋低偶像包袱無懼素顏出鏡
蘋果日報 2021/06/16 21:22
陳卓賢調教你MIRRORMIRROR小薯茄麗英
人氣組合MIRROR成員陳卓賢（Ian）和小薯茄成員麗英今午現身旺角米線店為新品宣傳，大會送上米線蛋糕補祝Ian本月9日的28歲生日。Ian生日聲勢絕不遜於隊友姜濤，獲Hellosss（Ian fans）在多區落大型燈箱廣告賀生日及送上星星做厚禮，另又包場舉行偶像生日慶祝活動，可惜Ian連日忙於工作未能親自前往打卡紀念。
Ian透露生日當天開工度過，只和家人簡單食飯慶祝，索模女友盧慧敏（Amy Lo）則無份融入家中，Ian尷尬說：「遲啲時機成熟再同大家報告吓。」Ian雖然沒收到女友禮物，反而着重簡簡單單心意，一句生日快樂已足夠。
另外，提到話題節目《調教你MIRROR》出街後，看到成員中私下真性情，甚至大膽挑戰素顏，Ian說：「對於我來講冇障礙，反而好開心，唔使化妝，一嚟就開工。」最新一集節目還原MIRROR fans到梅窩私下追星真相，當日12子要向fans鞠躬道歉，Ian說：「節目裏面講晒，明白fans出發點係鍾意我哋，但阻礙到拍攝。」他慶幸自己沒有被瘋狂私追，又讚fans知道他怕人多。
Ian表示月初生日時，跟家人食飯慶祝冇預女友。
Ian今日出席活動，獲客戶補祝生日。
不少fans在場支持Ian。
小薯茄成員麗英同樣獲邀出席活動。
-----------------------------