改編自韓國同名人氣漫畫、由男團ASTRO成員銀優及女星林秀香主演嘅JTBC新劇《我的ID是江南美人》(江南美人)，噚晚播出第13集，雖然劇情講到銀優、林秀香正式交往，開始甜蜜，不過收視就未有創新高，得4.768%收視率，而港劇迷亦可透過Viu追劇。

之前講到林秀香終於知道偽女神趙宇麗其實一直都唔鍾意自己，而今集趙宇麗繼續耍手段，喺所有同學面前話自己鍾意銀優，此舉令林秀香非常嬲，終於親自反擊趙宇麗，：「我知你睇唔慣慶碩(銀優劇中角色)鍾意我，但唔好利用佢，唔好妨礙佢嘅人生。」認真大快人心。

隨後銀優得知林秀香拒絕咗前輩延宇瀛(郭東延飾)嘅表白，開心到立即搵女方，林秀香亦鼓起勇氣向銀優表白，兩人終於正式交往，並甜蜜拖手，令唔少劇迷都睇到心動不已。至於片尾播出嘅第14集預告中，銀優、林秀香更手拖手現身校園，唔通想公開戀情？

更多韓流，喺晒《娛果》
http://fb.com/appledailyent