跌手機要買過部新事小，被人執到，然後持入面嘅相同短訊嚟勒索先慘呀！

好似最近忙緊拍新劇《3days》嘅韓國組合JYJ成員朴有天，佢個疑似女友上個月25號唔見咗部手機，原來被一個姓金嘅女子執咗，呢個姓金嘅女子發現機主原來同朴有天認識，電話入面仲有佢哋嘅合照同短訊等等，於是就向朴有天勒索73萬港元，威脅話唔照做就將啲相賣畀傳媒，又或者放上網。

朴有天所屬嘅事務所嬲到爆炸，認為冇嘢唔見得光，於是報警，第二日就即刻拉咗呢個女人。