英國哈里王子將在5月19號迎娶美國女星梅根馬克爾（Meghan Markle），最近英國媒體就報導佢拒絕簽婚前協議，即係話3000萬英鎊嘅財產（約3億2千萬元港幣）毫不設防，他日若不幸離婚，梅根就可以分佢身家。

哈里王子前年7月於友人介紹下識到梅根，第一眼就認定佢係真命天女，二人隨即陷入熱戀。佢哋拍拖1年幾，去年12月正式宣布訂婚喜訊，兩人大婚之日將邀請2640名民眾觀禮，婚禮於溫莎古堡舉行，梅根嫁俾哈里後，更會受封為「薩塞克斯公爵夫人」（Duchess of Sussex）。

知情人士透露，有人向哈里王子提醒，梅根同電影製片人Trevor Engelson嘅上一段婚姻維持唔夠2年，「但哈里王子駁斥呢個講法，十分堅信佢哋嘅婚姻唔會離婚收場」。仲拒絕簽婚前協議，同哥哥威廉王子及凱特王妃一樣都冇簽。哈里友人向《每日郵報》表示：「哈里從未考慮過簽婚前協議，佢下定決心要令婚姻長長久久，所以唔需要簽署任何協議。」對此肯辛頓宮唔回應。

精選娛聞，喺晒《娛果》
http://fb.com/appledailyent