扮情聖YoujumpIjump
馮仁昭四圍超：祖名盼攬薛凱琪笨豬跳 - 馮仁昭
蘋果日報 2009/05/25 00:00
薛凱琪同房祖名呢對緋聞拖友，終於又有機會奉旨親熱啦！佢哋啱啱接拍咗鄭丹瑞監製、黃真真導演嘅愛情片《BREAKUPCLUB》，噚日佢哋喺尖沙嘴出席電影宣傳活動，公然打情罵俏。
早排房祖名搞派對，送咗件寫住「IamSingle」嘅tee畀薛凱琪，噚日薛凱琪回禮，送番件寫住「YOURVERYFUNNY」嘅tee畀祖名，借緋聞大搞宣傳。之後黃真真話佢哋喺戲中有場笨豬跳戲份，薛凱琪話明唔敢跳，會用替身，反正佢同祖名都係分開跳，唔會攬住一齊跳，但祖名就好想黐實薛凱琪咁款，仲唔怕肉麻借用《鐵達尼號》（Titanic）男主角里安納度狄卡比奧（LeonardoDicaprio）嘅金句，佢話：「情侶梗係一齊跳，youjumpIjump，算啦！到時我推佢落去，我驚佢企埋去時會腳軟。」
早排房祖名搞派對，送咗件寫住「IamSingle」嘅tee畀薛凱琪，噚日薛凱琪回禮，送番件寫住「YOURVERYFUNNY」嘅tee畀祖名，借緋聞大搞宣傳。之後黃真真話佢哋喺戲中有場笨豬跳戲份，薛凱琪話明唔敢跳，會用替身，反正佢同祖名都係分開跳，唔會攬住一齊跳，但祖名就好想黐實薛凱琪咁款，仲唔怕肉麻借用《鐵達尼號》（Titanic）男主角里安納度狄卡比奧（LeonardoDicaprio）嘅金句，佢話：「情侶梗係一齊跳，youjumpIjump，算啦！到時我推佢落去，我驚佢企埋去時會腳軟。」
薛凱琪送上寫住「YOURVERYFUNNY」嘅T恤畀祖名，公然打情罵俏。
鄭丹瑞同黃真真合作搞新戲，佢兩個諗頭多多，必定擦出新火花。
爛gag女友
祖名又話要求導演減少親熱戲，驚自己心臟負荷唔嚟，但馮仁昭覺得佢呢句似乎口是心非囉！祖名又狂搞爛gag薛凱琪開心，仲將黎明都擺埋上枱話：「我同Leon同一個星座，佢嘅gag到，但我唔到有唔到嘅好。」