天文台喺今日下晝5點20分改發8號東北烈風或暴風信號，喺晚上6點時，天文台表示按照現時預測路徑，苗柏約在今晚午夜前在香港50公里範圍內登陸，其中心甚至有可能橫過香港，並為本港部分地區帶來烈風及大雨。（新聞連結： http://bit.ly/2se12hR ）

打風加上放咗工，有人乘機搵街去，唱K、睇戲、約雀局，新手爸爸黎諾懿亦因為打風而早收工，而佢嘅收工節目係——返屋企繼續開工！

返屋企都仲有劇拍？梗係唔係啦！黎諾懿講緊嘅返屋企湊仔「小春雞」（黎峰睿）呀！黎諾懿貼咗段片上Instagram，仲留言話：「八號風球下，《燦爛的外母》提早收工，那就回家繼續開工。」片中見佢一手湊咗囝囝小春雞，另一隻手餵奶，見小春雞好聽話，眼仔睩睩咁飲奶，勁乖！