今天的球星靚仔咗好多,打扮與image近似model,又比一般model自然。不過,他們的老婆們卻未見得也連隨升格,牛佬不再是牛佬,但牛婆卻繼續好土。
所以個人較喜歡碧咸嫂維多莉亞,因為她起碼見過江湖跑慣碼頭,上過台、唱過歌、做過客席model,人又生得惡,外套架生十分有型。但唔該睇睇朗尼女友,就是粗、俗、暴發的代名詞。
其他巴西、西班牙、意大利……嘩嘩啦啦的牛婆們面貌氣質一樣牛,即使本來做model、做演員,但比她們的球星男友卻更粗、更不堪。
鄧達智
以出色品味穿梭時裝界,對足球熱愛始終如一。