多位歷屆港姐對於無綫宣佈停辦港姐表示可惜，但也認為眾人健康及齊心抗疫更為重要。

1998年冠軍向海嵐：

「好可惜，為大家嘅健康同安全停辦，始終香港小姐好代表到香港，疫情後希望搞返，唔好以後都停。」

2001年冠軍楊思琦：

「港姐係傳統承接落嚟嘅選美活動，但健康都好緊要，如果因為咁而感染到就好無辜同好慘。」

2005年亞軍陸詩韻：

「始終係一年一度嘅盛事，有啲可惜，不過𠵱家疫情肆虐，為安全起見都要決定，希望下年搞得大型啲。」

2007年冠軍張嘉兒：

「知道公司決定要停辦一屆，真係好可惜，不過安全要緊，下年仲會搞，今年如果搞可能都會少咗人參加。」

2010年冠軍陳庭欣：

「知道公司決定要停辦一屆，真係好可惜，不過安全要緊，下年仲會搞，今年如果搞可能都會少咗人參加。」

2003年最上鏡小姐李施嬅：

「作出呢個決定都好心痛，咁多年冇停辦過，下年再發掘新人，等新人更多準備。」

2012年季軍朱千雪：

「我每年都會追睇，好多時都睇現場，希望下年做返，我係港姐出身所以都想繼續有呢個傳統。」