日本女子組合乃木坂46備受力捧，初時成軍話係用嚟撼同門女團AKB48嘅官方組合，深受宅男歡迎嘅乃木坂一直緋聞唔多，點知一嚟就有人氣成員爆出不倫醜聞！

乃木坂嘅22歲成員松村沙友理，近年被點名力捧，仲同主將白石麻衣、橋本奈奈未獲封「御三家」，殊不知今期《週刊文春》就爆出佢同一名阿叔喺街頭又攬又鍚，而男主角經被起底後，發現係當地出版社集英社嘅高層，呢位男士係個有婦之夫，松村唔單止蒙上不倫罪名，仲有網民估松村出賣肉體嚟換工作機會，佢今勻真係一身蟻，想唔畀事務所炒魷都難。