【01:36更新】新增動新聞

有私家車車主收到曾被修改的懷疑假「牛肉乾」，車Cam更全程錄下一名男子派「假告票」經過，車主懷疑有人因被抄牌後，不想繳交320元告票罰款，而更改告票資料將「牛肉乾」轉送別人。多名市民看過該「牛肉乾」，均表示若是自己收到，必定會致電警方交通部查問，或等候收到罰款確認信件後，才會繳付罰款。

「（告票）改過晒啲嘢，簽個名唔得㗎嘛，通常抄牌係一筆過。」車主管先生表示，若收到類似告票，「正常見到咁樣都唔交㗎」，會先向警方查詢，或「等確認信寄嚟先交錢，穩陣啲」，又認為改告票行為「好愚蠢」，因為「佢抄咗，始終係架車嘢，全部入晒去㗎嘛，你再偽造畀人都冇意思，佢始終會寄出封確認信，唔關另外架車事」。管先生認為該名改告票者「好衰，好假，寫到咁樣冇可能」。

車主葉先生亦謂：「佢咁樣我就唔交住，等佢封提示嚟咗先。」他表示自己及朋友都未試過收到類似告票，認為改告票行為難以理解，「儍㗎嗰個人，根本冇可能俾佢改到，差人有過底(紀錄)㗎嘛」。

車主許先生則有不同見解：「交咗先，之後有問題先同交通部傾...（對事件睇法）呢個佢玩啫，呢個冇辦法，你知香港咩人都有㗎喇！」

你敢爆，我敢獎！ 即Call《蘋果》24小時爆相爆片熱線 ：63836568