【鬼故有價】鬼王潘紹聰講出千萬豪宅 賣樓賺732萬︰睇好啟德樓
蘋果日報 2019/12/04 18:40
賣樓鬼王潘紹聰入巿
潘紹聰（Edmond）憑主持網台靈異節目受歡迎，而贏得「鬼王」稱號。除了網台節目他還組織探靈團，到本港各大猛鬼地點探秘。原來鬼王背後，在地產投資亦有一手。他於16年6月斥資2,468萬元購入太子百匯軒頂層B室特色戶，實用面積1,634方呎。最近以3,200萬元沽出，實用呎價19,584元，持有單位3年，賬面賺732萬元，升30%。
潘紹聰回覆《蘋果》時承認此事，並指自己喜歡換樓，他說：「其實我個人有鋪住新樓癮，成日都鍾意換吓樓咁囉，咁啱3年後又放得喇，個價又OK，就係咁。」他補充相信香港樓市不會出現大問題︰「就算有乜嘢事都係跌一陣，呢半年個市都唔至於大跌。始終大家都需要有個地方（住），覺得香港樓市唔會有事，都會再入，都睇好啟德嗰區，所以最近都有睇。」
