當年今日
關於我們

【C1詳盡版】爆出婚變危機 黎瑞恩:我冇嘢想講

蘋果日報 2014/01/16 06:00

湯寶如劉小慧黎瑞恩曾智明

有傳黎瑞恩(小恩子)陷婚變危機,其夫曾智明爆出小三疑雲,令11年夫妻感情現暗湧。而小恩子接受本報記者求證時,冇為老公澄清偷食傳聞,只係話:「我冇嘢想講,多謝你關心。」

有消息指現年47歲嘅金利來三少曾智明,喺廣州暗交22歲姓陳內地女子,呢位疑似小三比小恩子年輕20年,據悉曾智明同小恩子長期相隔異地,令夫妻感情轉淡。

有指曾智明喺廣州暗交22歲姓陳內地女子,而呢位疑似小三比小恩子年輕20年,盛傳住喺廣州嘅內地女子近水樓台,搭上曾智明後,甘於做小三,亦唔介意曾智明係有婦之夫身份。

而曾智明0依家甚少返港,對小恩子及一對仔女曾凱栭及曾浩儒,亦毫不關心,而小恩子亦啞忍兩年,希望老公浪子回頭,可惜事與願違,更一度攜同子女入住酒店。

小恩子爆出婚變危機後,其寶麗金年代嘅好姊妹湯寶如,接受電話訪問時表示:「唔知喎,上次喺佢演唱會做嘉賓,佢完全冇提,同平時一樣,突然咁樣好奇怪,做朋友都會擔心,但不便講咁多,我諗係炒作啫,希望純粹謠言。」另一好友劉小慧就封嘴:「唔講嘢,唔答,唔關我事。」