當年今日
關於我們

【開鑼做功課】捧方嘉柏跨季孖寶叫糊馬

蘋果日報 2014/09/10 06:00

【開鑼做功課】捧方嘉柏跨季孖寶叫糊馬

開鑼日報名表已於日前公佈,馬迷餓馬已久,當然已急不及待刨馬應戰。重頭戲特首盃近季以告廐及潘頓成績較佳,但今季大告冇馬報告,潘頓亦可能冇座騎,焦點必放在告東尼四駒身上。但鑑於告東尼從練以來未贏過特首盃,倒不如博方嘉柏可繼2010年「天久」後,再憑「喜蓮標緻」奪冠,點解咁講?事關方仔自從「天久」奪冠後,居然未再有馬報跑呢場每季開鑼日重頭戲;今季既然安排「喜蓮標緻」報名,一定打真軍。
事實上,「喜蓮標緻」上季尾爆冷贏太子珠寶鐘錶精英盃,今場係跨季孖寶叫糊馬,睇番方嘉柏對上兩季五匹跨季孖寶叫糊馬,共取得兩勝兩位佳績,上季兩匹同類分子更非冠即亞,所以「喜蓮標緻」絕對信得過。