記者日前隨阿珊前往其獲分配的公屋單位,她甫進屋即表示﹕「呢度日頭好光猛,環境夠靜,最重要係可以畀我同屋企人長住,令我哋有個固定嘅家,解決居住問題。不過一諗到我根本冇錢搬屋,我就好煩惱、好擔心!」
撿拾二手家庭用品
阿珊自中五畢業後,多年來先後從事接待員、文員及製衣廠採購員,一向努力謀生。
可是因市道不景,阿珊去年被僱主解僱後至今無法覓得工作;其夫陳先生原在珠海任職貨運司機,亦相繼處於失業狀態,以致家庭經濟陷困。
「𠵱家搵嘢做真係競爭好大,連大學畢業生都去爭做文員,所以我好難做番文職,想轉做售貨員,又因為冇呢行嘅工作經驗,連見工機會都冇。」年近三十歲的阿珊歎謂,丈夫陳先生近月已返港積極四出謀職,可惜總是失望回家。「阿陳不斷搵朋友介紹工作,希望有得去工場執頭執尾做吓散工都好,可惜竟然連呢啲工作機會都冇!」
阿珊失業後財政「有出冇入」,早前把微薄積蓄耗盡後,遂靠領綜援維持家計。她育有一名七歲大女兒,暑假後將升讀小學二年級。阿珊語帶安慰地說,女兒性格文靜好學,自幼便毋須父母勞心勞氣。
刻下,阿珊正為無力負擔搬屋支出煩惱,「我要籌幾千蚊去交新屋嘅幾筆按金,搬屋樣樣嘢都要使錢,我真係應付唔嚟。」
阿珊坦言,由於缺錢添置一些基本的家具和電器,如雪櫃、洗衣機及桌椅等,她近日正忙於撿拾「二手」的家庭用品,以減輕生活不便。