黃洋在08年為上海東華大學舊生的身份與理大踢交流賽後，獲提供獎學金在理文讀書及踢波，縱使對廣東話英語一竅不通，還是決定來港攻讀物流，而這個決定亦改變了他的下半場，由中國人成為真正的香港人。

出身中超上海申花，因種種未能上到一隊，輾轉到港讀書，偏偏被現傑志總監兼教練朱志光「相中」，可以踢轉到香港踢「下半場」，加盟傑志，代表香港，當選足球先生，這些應該是意料之外，但回想在港讀書的慘況，他坦言曾想過放棄：「在東華大學已是有上堂的學生，算是完成四年大學，但初來港上堂，課堂全英授課，好留心聽，十分鐘後發覺自己是完全聽唔明，當時心諗係選擇錯誤，但放棄回上海便一無所有。」

選擇留下，便要面對困難，平日在大學宿舍努力溫習，其餘時間嘗試融入同學的生活圈子，他說：「語言同飲食唔太難，大學隊友與同房都係港人，溝通最緊要長怕醜，大膽咗亂講，半年左右已經講到，而香港食物同上海差不多，飲食同語言唔難，壓力主要在能否畢業，平時要千方百計諗點應付考試。」在同學協助，最終順利畢業，即加盟傑志，休「戰」兩年，報讀中大的運動醫學碩士，原先一年，黃決攤長讀兩年，每星期返兩至三晚不會太影響到訓練及比賽，輕鬆好多。

早前與女友在港置業的黃洋透露，閒時大多留在家中休息，休息對運動員好重要，年紀開始大身體柔韌度會減，而讀過運動醫學有助預防傷患，當感覺到肌肉痛便要作出適當的處理。
----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM