【倒數20日】「咪神」歐陽巧瑩月尾離開大台 木偶哥寧兼職唔想老婆工作
歐陽巧瑩林師傑
34C咪神「木偶嫂」歐陽巧瑩前年嫁給「木偶哥」林師傑,今年初出席活動時,預告本月尾約滿後離開大台,專心家庭準備生BB;不過,由於近月爆發武漢肺炎,市道蕭條經濟不景,身為好老婆的歐陽巧瑩,擔心老公獨力養家負擔重,在社交網貼執子之手相,感謝老公。
歐陽巧瑩留言:「經濟差市道唔好,噚日同老公傾偈,我話不如我出返嚟返工啦,點知我老公寧願返多份兼職,都唔想我出返嚟做嘢,有啲感動,咁我決定繼續嘆世界,老公加油,我煮飯等你。」歐陽巧瑩還在限時動態貼「倒數唔夠20日」字句,為離開大台計日子。
在大台「巨聲幫」出身的木偶哥,入行多年但不獲大台器重,工作量唔算多,現在開埋YouTube channel「陋室」,寧願自己辛苦做多份兼職,都唔想老婆辛苦,網民都讚他是絕世好老公,洪永城更tag木偶哥留言:「辛苦你。」
-----------------------------
第三屆最港電影大獎
按此立即投票 -----------------------------