0依家喺韓國，宋一國嘅三胞胎兒子真係好鬼紅，每星期大家都等睇佢哋演出《超人回來了》，而喺噚日播出嘅一集中，宋一國就教三胞胎點樣刷牙齒，宋一國就好有耐性教佢哋話：「上下上下動牙刷，絕對唔可以吞下去。」點知一向鬼馬嘅萬歲突然跟住上位女團EXID首歌《上和下》嘅拍子打起嚟，並高呼：「上下，上下。」搞到爸爸宋一國都忍唔住跟住一齊唱呢。

除咗三胞胎好紅之外，女星Shoo嘅雙胞胎女兒羅熙同羅律都好紅，佢哋成日都會上唔同嘅綜藝節目，喺前日播出嘅綜藝節目《演藝家中介》中，就公開咗羅熙同羅律拍攝海報嘅情況，佢哋扮到靚一靚，頭上戴咗個大紅花頭飾，好鬼可愛。

羅熙同羅律喺現場用童音大叫：「媽媽」，萌樣令到現場所有人都忍唔住發笑，之後佢哋唔理咁多，見到面前美味麵條，仲即時狂擦一頓。