香港基本法委員會副主任梁愛詩今日出席一個國慶活動時，向在席嘉賓大談乜嘢叫「一帶一路」，一開始就向大家推介電影「大國堀起」，話所謂大國，其中一樣就係要喺軍事上，有攻守對抗嘅實力，包括要擁有「核武、航母、導彈」，話咁先足以保衛自己獨立同領土完整喎。

講完核武，詩姐又話香港同其他地區一樣，近年進入一個發展較慢階段，繼而插香港近年社會政治化，內耗浪費咗唔少精力，搞到「做事缺乏激情」，其後更特別提到前海深港服務業合作區計劃，香港「沒有好好利用」，唔知又關唔關過去亂港五年嘅689事？

唔少傳媒喺活動結束後，諗住問吓詩姐有關大學民主牆嘅港獨橫額問題，但詩姐一見傳媒即「封口」，同林鄭「收火」舉動不謀而合，似乎唔想火上加油！