馬季一開鑼，已接連有藝人明星馬出擊，而且還有上佳表現，開鑼日（1日）郭富城愛駒「舞士精神」拼入亞席，同日另一場米雪、苗僑偉的團體馬「蟲草之星」大熱報捷，米雪更一身紅衫拉頭馬兼慶祝生日。

到了嚟緊周日（8日）沙田賽事，又有另一娛樂圈名人愛駒登場，就是第二場四班1600米，小龍女陳玉蓮同馬德鐘所屬快樂之友團體的「快樂實在」，由雷神莫雷拉操刀，抽6檔負130磅出賽。

「快樂實在」上季唯一頭馬，就是在同程由雷神經手，他騎過此駒一次即勝，可見合拍。對於「快樂實在」今次上陣爭勝，最酸溜溜的應是楊明綸，須知8月底他好有心機替「快樂實在」試1200米泥閘，沿途居後，直路一鬆即以勁勢撲前，後上擊敗另一匹惡馬「如真如假」跑第一。

練馬師容天鵬亦大讚「快樂實在」狀態進度極佳，但楊明綸只得個試字，雷神二話不說，便搶回「快樂實在」出賽，結果楊明綸此場坐冷板。

值得留意的是「快樂實在」上季最後一戰跑第四，該役跑第三擊敗牠的「小福將」原本在今場再碰頭，勢必對「快樂實在」構成威脅，但「小福將」卻因為發燒於排位前退出，無疑令陳玉蓮同馬德鐘有機會憑「快樂實在」拉頭馬。

-------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此