49歲劉嘉玲依然信心十足，多次自拍素顏照上網，勇氣可嘉，今日嘉玲繼續素顏現身中環置地廣場，大約三點鐘嘉玲同好友榮文蔚加埋鄧霓儀一行三人從一輛七人車步出，向著目標Celine進發。

入到舖頭，售貨員即刻一湧而上熱情款待，嘉玲喺店內試頸鍊，睇唔啱，十分鐘就走，雖然發現大批記者，心情靚嘅嘉玲素顏任影唔嬲，仲揮哂手喺記者面前路過去HERMES再睇過，半個鐘冇收穫就拉隊走人。