積極考慮選新界西嘅屯門鄉事委員會主席何君堯有新搞作，推出「匯蝶公益計劃」，齋聽個名聽唔明？唔緊要，簡單嚟講係一個免費法律諮詢服務，而一個咁普遍嘅服務，佢竟然搵到12間律師樓支援，仲出動李力持幫佢拍條沙灘慢跑Chok爆宣傳片hardsell，話同選舉無關，大家信唔信？
過檔幫何君堯搞公關嘅狼振英前家臣鄭希喧（Scott）噚日都有現身，大讚何君堯同佢前老闆一樣咁勤力。何君堯得體回敬，幾年前識Scott，已覺得對方係「高人」，點估到大家一拍即合？
對於潛在嘅競選對手、新民黨副主席田北辰日前驚爆新西有人「賣票」，何君堯話唔評論。社民連就一馬當先，前日走去廉署報案，噚日廉署通知社記，佢哋話會立案調查。