呢幾日香港天氣非常唔穩定，有時好雨，有時仲好大雨，今朝仲一度發出過紅色暴雨警告。（新聞連結： http://bit.ly/2rGAdPp ）

有「大馬女神」稱號嘅林明禎，晏晝就嚟到尖沙嘴為全新唱片《#ME》舉行簽唱會，今日香港全日都落起大雨，簽唱會地點仲揀喺戶外進行，依然有唔少粉絲冒雨出席，活動上明禎向被淋濕嘅粉絲致歉，隨即就同粉絲玩遊戲兼唱歌。

明禎受訪時話當知道活動喺戶外進行非常擔心：「來香港幾天都下雨，看到粉絲們很多一早就來等，頭髮都濕了，希望等一下他們平安回家後要喝點熱的保暖。」

講到今次唱片封面，明禎用上5個唔同造型，但全部睇落都唔算太性感，佢笑言：「我已經覺得蠻性感，是你們要求標準太高。」完成今日活動就返台灣，明禎話嚟緊希望專注多啲戲劇工作發展。