【本報訊】特首梁振英在佔領運動爆發以來，不是「龜縮」拍片、就是發表歧視基層的「14K」謬論，硬撐提委會四大界別。陳祖為直言梁振英表現非常令人失望，斥梁對於大量市民參與的運動，完全跟足北京指示，鐵板一塊，對市民的投入犧牲、對理想的執着沒有絲毫感情上的肯定及同情，預計梁：「佢要你運動失敗；自己撤退唔到（就）要你自殘，或者要市民唾棄你。」

曾蔭權年代冇見過

陳祖為稱佔領運動的結局，不一定要警方武力清場，或有其他人利用武力破壞運動，「你睇黑社會出現咁多次喺呢場運動，我哋要問一個問題：上一個特首曾蔭權嘅年代，有冇見過黑社會可以光天化日，明目張膽咁樣喺政治示威、運動，用暴力對待示威者？」
他說這些場面在梁振英上場後一而再、再而三出現，「如果政府或者警方唔願意，有乜可能黑社會可以一次又一次咁喺政治舞台上登場，我哋市民要問呢個問題，點解呢個情況會喺呢個政府任期先出現？」《聖經》說一人不能侍奉二主，陳祖為指，香港的特首偏偏有兩個「主人」，一個北京，一個香港市民，但明顯地梁振英只偏重北京的那個「主人」。