日本人氣樂隊RADWIMPS明晚假旺角麥花臣場館開騷，主音野田洋次郎、結他手桑原彰、低音結他手武田祐介相隔三年再度訪港，今日三人更在颱風下接受本報訪問。

RADWIMPS去年為新海誠執導賣座動畫《你的名字。》包辦多首歌曲順利爆紅，野田洋次郎表示從韓國乘搭航機來港時第二次欣賞該片，透露仍有定期約新海誠見面，並希望再有機會合作。RADWIMPS是次亞洲巡唱先後到新加坡、韓國、台灣等地開騷，重臨香江亦感到高興，對香港夜景及美食最為難忘，可惜今次沒有時間觀光，打風亦唔敢周圍去，三子初時更擔心苗柏襲港會影響演出，當知道明日應該會除下8號風球才鬆一口氣。

問到可有為香港演唱會學定廣東話？武田祐介亦有做定功課，並即場用廣東話講：「多謝、再見、大家好、好犀利。」至於野田為新劇《100萬日圓的女人們》擔任男主角，跟武田玲奈、松井玲奈、新木優子等女星合作，每集更同靚女拍檔有親熱場面，一向甚有異性緣嘅野田帶點尷尬說：「其實拍攝時並非感到特別開心，因為是工作，而且劇集的內容不是普通的愛情故事，拍攝也要顧慮對手的感受。」旁邊嘅桑原彰笑言正等待劇組斟他參與演出。