傳媒聯絡隊負責人高振邦不時落場，但不甚清楚同僚動向。10月27日彌敦道，記者向他查問會否出動水炮車，他竟反而叫記者留意facebook消息。高振邦指當日出動約30名傳媒聯絡員，「每一個大隊都會有」，但大隊會分拆成多個小隊，負責不同防線，傳媒聯絡小隊無法全部跟隨。西洋菜南街有防暴警發射催淚彈，高振邦相信該處已有另一隊藍背心，但記者於內街就不見隊員在場。

根據警務處資料，每逢示威活動，警方會由五大陸上總區，即港島、東九龍、西九龍、新界北及新界南內部組隊，各隊350人，組成「總區應變大隊」，每隊配有傳媒聯絡隊。

11月2日，記者向高振邦追問，為何10月31日在中環，傳媒聯絡隊至晚上11時才出現，他指「分咗幾個防線」，記者進一步指曾就傳媒聯絡隊去向，詢問六隊防暴不果，高振邦便表示，「我哋係喺度協調採訪，唔係喺度答問題㗎」。

記者追問為何只有高振邦佩戴委任證，他反問「佢哋有委任證啊，你見唔到咩」，便拒絕再回答。記者所見，其餘四人放證件的背心口袋仍是空的，即使有證件套掛頸，亦反轉。其後傍晚，記者亦見有傳媒聯絡員將皺巴巴的紙巾放入口袋，取代委任證。

當日稍早時間，在維園外告示打道天橋，防暴警一度與記者起爭執，並舉起胡椒噴霧。中視記者李先生向在場的高振邦要求協調，高僅回應「你冷靜！唔好嘈，呢位先生你係咩？」當李先生舉起記者證後，高振邦只是抬手一指，說「你可以投訴㗎！」眾人高呼「投訴有冇用？你講都笑啦」，已不獲回應。

「其實我一路不滿，從來唔係協助我哋，係幫手控制我哋。」同日傍晚於中環，催淚彈射中消防車，消防員與防暴理論卻反遭圍毆，李先生在十米外拍攝，卻被防暴狂推他，又不斷噴胡椒噴霧，他曾大叫「我冇衝擊」，惟警員置若罔聞。李先生相信高振邦在場亦不會協調，「唔需要佢喺度」。問藍背心有沒有用，他無奈答：「好過冇。」