賽車並唔係大人嘅專利，小朋友都有機會喺復活節大展身手！ 今年數碼港商場再聯同Wonderland舉辦「第二屆GT小車手嘉年華」，當中有「小型一級方程式賽車場」、「獵蛋尋寶遊戲」、「極速彈跳樂」、「數碼閲藝廊」、「親子奪寶奇兵競賽」、「童樂碰碰車」同埋多款經典攤位遊戲。仲有今年新增嘅「室內兒童GT電動賽車競技場」，一連四日嘅復活節假期俾一大家細玩返轉！

「兒童GT電動賽車競技場」可以俾小朋友一嘗安全飆車嘅刺激快感，一齊爭奪車手王者寶座，仲有駕駛證書添！而「小型一級方程式賽車場」就考驗小朋友喺賽道上嘅駕駛技術、速度同反應。呢兩樣都要預先報名！除咗賽車，當然都唔會悶親家長啦！今年有全港首辦「親子賽車維修STEM工作坊」，一家大細可以自由組建不同嘅零件，整成屬於你哋嘅車，仲可以了解汽車嘅組合原理。

玩完整完就到買啦，場內仲有復活節市集喺數碼港戶外草地舉行，多個攤檔賣兒童益智圖書、玩具、DIY自家製飾物、包包、皮革用品、設計精美同時尚飾物等。一日玩唔晒都唔緊要， 數碼港艾美酒店為今次活動提供超值「繽FUN樂活復活節住宿優惠」(價值由1,940 港元起) ，套票包括入住酒店智能客房一晚、於Prompt 餐廳享用豐富自助早餐(價値1495港元)，仲有數碼港商場x Wonderland「第二屆GT小車手嘉年華」遊戲證 3張 (原價港幣 240元，門票包括 2位成人及1位130cm或以下小童*)。

第二屆GT小車手嘉年華
日期：2018年3月30日至2018年4月2日 (共4天)
時間：10:30-18:30
地點：數碼港商場L2全天候廣場及數碼港2 座4樓數碼廣場
票價：
小童遊戲證: $200 (只限預先購票，遊戲證包括一次兒童電動GT賽車競技場或小型一級方程式賽車場)
**不接受即場報名參加
小童遊戲證: $160 (只限即場購票，遊戲證不包括兒童電動GT賽車競技場或小型一級方程式賽車場)
成人遊戲證: $40
凡購買小童及成日門票均附有不同優惠券  ，包括攤位遊戲現金券，免費飲品換領券，飲食及市集購物現金折扣券（適合於個別市集攤位使用）

詳情：www.wonderland4kiz.com