【名都講唔正】馬國明北京宣傳觀眾聽到一頭問號 聽溫州話變天然呆
蘋果日報 2019/09/25 22:05
北京馬國明國語
（微博圖片）
馬國明到北京宣傳新劇，一向普通話麻麻的馬明，在活動中介紹自己劇中角色時，連角色名都講錯，聽到觀眾講溫州話時更是露出一面呆滯樣，令大陸網民也不禁幫他設計了「馬國明太難了」這個主題。
馬國明、與吳卓羲、黃宗澤及苗僑偉（三哥）等一眾演員，昨日到北京出席《飛虎之雷霆極戰》見面會。去到當地，當然要講普通話，不過當馬明介紹自己劇中的名字是叫「丁浩然」時，他以港式普通話講出「冰 how yan」，之後台下就傳來一堆笑聲，而馬明亦一臉「唔知發生咩事」的樣子，坐在他身旁的女主持即問馬明是否可以再講一次，而馬明亦馬上再講了兩次「冰 how yan」，黃宗澤及三哥亦即時提醒馬明「然」字是要捲脷發音，而馬明亦頗為尷尬地以捲脷的國語再講自己的名字。
講國語都已經夠尷尬，之後台下有觀眾向同劇演員講出溫州話時，一直聽着觀眾講溫州話的馬明，更是越聽越呆滯，而且keep住露出一副問號樣，非常搞笑。
馬明連自己劇中的名字都講錯，搞到要身旁的黃宗澤及苗僑偉提示。（微博圖片）
之後聽到溫州話，馬明更是一頭問號。（微博圖片）