中視金橋(623)息率近5厘,主打瓣數又有超強增長,買入等向上爆。中視金橋主打祖國廣告媒體相關業務,往績PE得8倍單位數。家陣祖國廣告需求火紅,ChinaPlay當中,中視金橋PE勁平,見到已經流口水。喺上年底,集團為2011年獨家代理資源廣告預售,超過9.5億銀人仔,已經相當於2010年度(12月年結)總營業額近七成水位,2011年度業績已經坐定粒六。再講,集團家陣又揸住祖國央視多個電視欄目獨家承包權,加埋呢個優勢,照計,今年之內繼續肥仔水。中視金橋2011年度純利係咁意增長30%到2.05億銀人仔,預期PE進一步跌到得6倍水位。博中視金橋翻半番到3.97元,PE都上唔到雙位數。