陳庭欣（Toby）入行八年，屬10年港姐冠軍的她曾與香港先生翟威廉傳搞地下情，不過拖拉五年都未有承認，去年就暗認與擁半億身家「有米大狀」唐偉倫（Warren）拍拖，更曾被影到一齊去超市買餸返家玩煮飯仔。原來Toby數月前已與Warren分手，火速戀上彩豐行老闆楊振源（Benny）。40歲的Benny白手興家，身家過億，之前曾與孫慧雪傳緋聞，又曾與介入周永恒與趙頌茹婚姻的「小三」劉依靜拍拖。

大讚對方細心

Toby接受雜誌訪問時承認與Benny兩年前在一個晚宴上認識，不過當時她已有男友，直至最近回復單身，兩人很快撻着，她更大讚對方為人細心，兩人溝通得好好。問到Toby是否與Benny拍拖，她就回覆傳媒說：「了解中。」再追問與Warren已否正式分手，她表示：「過去嘅事情唔提啦，感情事繼續想低調，謝謝。」對於被指越戀越富貴，會否擔心被指拜金女，她表示：「從來冇擔心過不實嘅報道。之前傳媒寫嘅報道，我冇回應唔代表係事實同認同，我只係想低調，感情事跟自己父母同三隻雀仔交代就可以了。我會繼續用心做好自己工作，做好自己。」
採訪：嵐山