【逃離大台】小儀跳槽拍新節目 形容感覺似偷情
蘋果日報 2020/06/17 17:06
阮小儀ViuTV和泉素行香港開電視
TVB藝員逃亡潮湧現，其中一位沒有續約的阮小儀，自離開大台後，小儀與和泉素行（Izumi Soko）合作的香港開電視節目《酒勻全香港》，將於本週日（21號）於77台香港開電視首播。節目發掘本土特色小店分享另類酒知識，二人今日去到觀塘出席節目記者會，跟調酒師示範調教酒精飲品。
小儀離開無綫首次在香港開電視擔任節目主持，她指合作形式感覺新鮮，小儀說：「喺TVB拍嘢會見到平時見慣嘅人，感覺好熟絡，今次好似同人偷食咁，以前晚晚返屋企，而家晚晚去酒店。」小儀原先為ViuTV拍攝的遊戲節目在籌備期間突然暫停製作，小儀說：「暫時搵個好時機先至再做，佢哋有佢哋自己嘅考量，之前已經試咗機，係一個好好玩嘅遊戲節目，應該會推遲至年底再續。」
Soko在訪問中表示想追求小儀，小儀回應Soko：「你唔會追到我，我哋明顯係好朋友，我做你女朋友嘅時候會好麻煩，而且你唔係我鍾意嗰類型，以前自己都幻想如果能夠同model一齊拍拖就好，但其實如果同你一齊唔係好啱我，唔係我杯茶，因為你始終會走（返日本）。」
Soko表示與小儀合作心情緊張，Soko說：「小儀係我心目中女神，我願意同佢合作一世。我嚟咗香港10幾年，自己住劏房時都係睇小儀嘅節目同聽佢嘅電台節目學廣東話，佢係香港一線發放正能量嘅演員，好鍾意佢。」
採訪：張明、攝影：葉君海
自離開大台後，小儀與和泉素行合作拍攝香港開電視節目《酒勻全香港》。
小儀離開無綫首次在香港開電視擔任節目主持，她指合作形式感覺新鮮。
Soko在訪問中表示與小儀合作心情緊張，更想追求小儀。
小儀回應Soko：「你唔會追到我，你唔係我鍾意嗰類型。」
Soko說：「嚟咗香港10幾年，自己住劏房時都係睇小儀嘅節目同聽佢嘅電台節目學廣東話。」