一批上季到港之P布馬在近三次田戰均包辦半數或以上頭馬，尤其是交出上佳締速之P布馬更有重視必要。今期第三場四班1200米之「特務金剛」，上仗久休九個月復出跑谷草1200米，配上吳嘉晉，大冷馬應是志在熱身，但走勢卻出奇地好，早段包尾走二三叠，彎位一段已發力造22秒88，末段再衝22秒77，連續兩段締速都係全場最快，過終點只落後頭馬「愛的呼喚」一身位。查11月至今沙田賽事，共有11匹上仗連續兩段造全場最快締速之P布馬列陣，結果交出六冠兩亞一季，僅兩駒唔上名，證明此類馬值得信賴。「特務金剛」今仗出王牌換上韋達可秤先。