【更新度地儀指數資料】

今晚(14日)谷草賽事用C欄，度地儀指數2.70，場地掛牌為好至快地。如天氣情況許可下，將按計劃在第4場後進行壓地。

睇番最近11月16日賽事，當晚度地儀指數2.71及掛牌好地，全晚只得「翡翠紅星」能放頭帶到，反而中外叠後追馬表現不俗，如「翩翩」、「威風霸皇」、「勝利雄心」、「勁豐裕」及「瑰麗傳奇」都係入直路移出外叠後上衝贏對手，靠後勁食糊馬千祈唔好睇小。

今戰列陣馬中，第四場「光速銀桂」兩次跑谷草C欄獲一勝一位，亦係全場唯一贏過此移欄之馬，憑較佳場地性能可坐位望贏。另外，第七場「小島怡情」上仗正是於11月16日谷草C欄贏馬開齋，等番同一移欄再跑應有心求添食。