早前有報導指，曼聯領隊摩連奴批評米希達利恩防守不濟，之後MK恩竟然膽敢駁嘴，事件令到兩人交惡，米希達利恩就已經多場比賽連大軍名單都入唔到，再一次失寵。而近期就盛傳意甲球隊國際米蘭，有意係一月將佢購入。

根據《每日郵報》嘅報導，全力爭冠嘅國米，有意係一月加強板凳深度，曼聯嘅米希達利恩同依家效力緊江蘇蘇寧嘅巴西中場拉美利斯都係佢地嘅收購目標。早前有傳國米會用陣中嘅葡萄牙球員祖奧馬里奧作為交易籌碼，不過依家就傳國米傾向先借半季，夏天先會買。但係，啱啱嘅暑假，曼聯求購國米翼鋒比列錫，但就畀國米多番刁難，相信今次曼聯都唔會咁順攤放手。

--------------------
狂賀！BFB系列推出5​周​年，精彩活動為您安排，立即登入速享專屬優惠！ http://bit.ly/2xrTKGM