【本報訊】林鄭月娥在參選政綱前言寫道：「我出身基層家庭，是一個曾在『碌架床』上做功課的學生。」更自稱最有成就感是當年出任福利署署長，但其社福扶貧政綱卻備受質疑。
社會工作者總工會會長葉建忠批評林鄭的社福政綱篇幅不多，對於一筆過撥款政策令社福機構肥上瘦下，她雖承諾改善，但至今無具體改善方案，「都係拖字訣」。他憂慮林鄭會自恃有社署經驗，制訂政策時或忽略社福界人士，「嗱嗱臨咁做（決定），結果可能係好心做咗件壞事」。
工黨副主席李卓人同樣批評，一筆過撥款「係一個災難」，全民退休保障亦早被她「摙死咗」，又指其背景不代表她會關愛基層，「做社署係佢嘅美好時光，但對受助者係噩夢，𠵱家佢為咗討好商界，經濟政策明顯已經偏右」。相比上屆梁振英政綱明確承諾處理強積金對沖和標準工時問題，林鄭的勞工政綱更空泛，無具體承諾，「上屆起碼我哋可以向梁振英追數，但今屆連追都冇得追，勞工界真係大輸家」。