【新增回應】
31歲嘅賴慰玲（Winki）與舞台劇演員男友梁子峰拍拖5年，今年9月奉子成婚，預產期今月初，之前賴慰玲執定「走佬袋」隨時生。

今日陳凱琳喺社交網報喜，話Winki嘅B仔終於出世啦!好姊妹陳凱琳同陳嘉寶(Anjaylia)去咗探契仔，陳凱琳剛才喺Ig貼出合照，佢先感謝上帝，令寶寶同媽咪都安然無恙，佢歡迎B仔嚟到呢個世界，又承諾會喺B仔身邊同照顧佢。

陳凱琳留言「哈利路亞」讚美主，仲宣佈佢做咗BB嘅教母，即係第時鄭嘉穎有機會榮升教父。不過相片就見唔到Winki老公梁子峰。

而陳嘉寶就回覆《蘋果》恭喜好姐妹賴慰玲生B：「係呀，有探過佢。但係知道佢好忙，仲未有時間親自公佈喜訊。了解過，佢應該會聽日親自公佈。代佢多謝大家關心。其他嘢留返佢親自公佈左之後我先再回覆大家啦！ 」

更多娛聞，喺晒《娛果》
http://fb.com/appledailyent