當年今日
關於我們

做人梗要有目標!在港兩捷「舊面孔」:我想長駐發展

蘋果日報 2017/12/01 23:59

香港意大利沈拿長駐發展32歲騎師「舊面孔」

究竟何方神聖?原籍意大利的32歲騎師沈拿,出道以來勝出逾800場賽事,包括在意大利贏得多項經典分級賽。
沈拿亦曾在法國、德國、杜拜、奧地利、比利時、匈牙利、波蘭、塞爾維亞等其他國家及地區策騎,並取得優異成績。
最近五個馬季,沈拿於巴林及卡塔爾策騎,並勝出當地大部分主要賽事。然而,他在2016/2017年度馬季所取得的成績屬歷來最佳,其間合共勝出五項當地一級賽,包括2017年卡塔爾酋長國際錦標(總獎金100萬美元),並以逾25個巴仙的勝出率榮膺巴林冠軍騎師,以及在卡塔爾騎師榜位居第二。
沈拿曾於2016/2017年度馬季末來港客串,在最後三個賽馬日策騎出賽,其間合共上陣19次,贏得兩場頭馬,勝出率達11個巴仙。沈拿的最低出賽造磅為118磅。
沈:沈拿 記:《蘋果》記者
記:你喺香港嘅兩場頭馬都來自告達理馬房,你對香港其他練馬師又熟唔熟悉呢?
沈:坦白講,我仍要時間與各練馬師加深認識同溝通,上次來港,我對自己嘅表現感到滿意,但我希望今次嘅成績能再進一步,我渴望頭幾次上陣便交出好成績,自己以做到117磅,呢個磅位都幾輕,喺香港算係優勢之一,我一直對自己嘅體能好嚴格。
我亦要強調自己嚟香港唔係度假,而且專注發展我嘅騎師事業,公司騎師牌照於明年4月終到期,但自己渴望可獲續牌至季終,甚至能夠長駐發展,一切由星期日(3日)開始,我唔敢為客串期定下頭馬數字目標,但必定會盡力展現自己嘅能力,希望一切順利。