雖然明年3月17日才上演香港打吡大賽，但一班有資格、有潛力嘅馬，已開始努力爭勝，爭取打吡入場門票，如「達龍駒」、「大金庫」等更是身價昂貴，盛傳都超過一千萬港元。

「達龍駒」上仗在港初出田草1600米得季軍只負頸位，似乎貴得有道理。今日（23日）「達龍駒」又上陣，角逐第七場二班草地2000米，估計勢成熱門擂台躉。

不過，今場穩奪打吡入場券嘅巴西馬、現評92分之「協霸神駒」都唔好睇小，據知呢匹馬身價比「達龍駒」平一半，不過質素未必輸蝕俾「達龍駒」。

「協霸神駒」在巴西5戰4冠1亞，贏過1600米一級賽及2000米一級賽，是雙料一級賽冠軍。來港後亦很快於上仗贏二班田草2000米，真是超值貨色，而且牠跑得不多，進步空間大，隨時有機會擊敗「達龍駒」，向打吡進發。