曾經面試今屆港姐嘅大眼超蓮徐艷薇(Jenny、已退選)，今日同吳克群緋聞女友、台灣混血索女瑞馬席丹（RimaZeidan）喺將軍澳行騷，Rima谷胸上陣，大會通告更寫明「『吳克群緋聞女友』RimaZeidan首度高調來港」，換言之今日係「大眼超蓮」VS「大胸超蓮情敵」，夠晒噱頭。難怪阿Rima亦谷盡33C胸，真係性感到頂唔緊，夠晒高調。

其實今日大眼超蓮都好性感，低胸上陣，加上一身古銅膚色，都好sexy，無奈Rima亦頂盡咪咪，想搶鏡，唔容易囉。

「大眼超蓮」Jenny話自己退選，係因為工作上有新發展，但係大家唔使開心住，因為佢唔係率先加入娛樂圈。以後都只係會以兼職model身份出現咋。

至於谷到盡又第一次喺香港出現嘅Rima，就係咁被追問同「吳超人」(喺超蓮眼中係)嘅緋聞，佢就話唔知吳生有拍拖，都唔知佢有女朋友。但係就澄清幾次同對方只係朋友，唔係拖友，仲話以後去街都會小心啲添，咁何小姐可以放心啦。