呢期用咩手機先最潮?基仔就話起碼都要有番個200萬像素鏡頭先夠撐,最好就梗係SX813啦,不過大嗱嗱成6千蚊部機,基仔就真係有心無力啦。惟有諗住拎手頭上用緊部三菱M900去「吹煙」喇,點知去到手機舖問一問個價,當堂連最後希望都幻滅埋。因為回收價都只係得嗰兩千蚊,都唔知夠買SX813個鏡頭好、定係買個CGSilicon好。跟住同個Sales傾傾吓,佢就話呢期200萬像素手機個回收價全部插水,NECN840都係收得兩千鬆啲,M900就更加唔使講喇。真係估唔到,話晒都係200萬像素鏡頭,賣番出去竟然平過唔少百萬像素機。
文:尹謹基