今日台灣有雜誌報道李毓芬早前出席柯家嘅私人派對，喺凌晨1點左右，柯震東仲扶住一個同佢着灰色情侶裝、以圍巾蒙面嘅女仔離開，相信就係李毓芬本人，兩個仲一齊坐車返屋企過夜。

而前晚佢哋兩個又再出動行街，同行嘅仲有柯震東嘅爸爸、媽媽同哥哥，看來佢已經融入柯家。不時見到李毓芬輕撫柯震東嘅背部表示愛意。佢哋同屋企人分道揚鑣之後，兩人買咗嘢飲就返去柯家開嘅餐廳，直到收舖二人都未離開。