韓國年度盛事《MAMA音樂頒獎禮》噚晚喺香港亞博館圓滿結束，當中人氣男團EXO、Wanna One等組合噚晚已漏夜返韓，部分韓星就休息一晚，今日下午陸續飛返韓國。

中午12時，崔子所屬嘅Dynamic Duo現身機場停車場，崔子及Gaeko落車時勁有禮貌地向傳媒及工作人員點頭打招呼。雖然現場有近半百粉絲，不過啲粉絲係等男團Super Junior，所以見到Dynamic Duo時未係好有反應。

到下午2時30分男團Hyukoh現身，成員雖然戴上口罩遮樣，不過都有點頭打招呼。

男團NCT 127架車2時25分已到達停車場，不過成員就一直坐咗20分鐘先落車，粉絲立即大叫成員嘅名，不過NCT 127都係急步離開。

隨後就到宣美晒腿現身，粉絲立即大叫「onni」，戴上帽嘅宣美更特別拉高少少頂帽及向粉絲揮手。

下午3時20分左右，男團Super Junior五名成員終於現身，不過就未見希澈同行。藝聲行頭，一落車即揮手，雖然成員都係戴上帽及口罩，不過粉絲都係非常瘋狂，大叫「oppa!」，SJ一路上都有揮手打招呼，銀赫亦有點頭，依舊親民。

更多韓流，喺晒《娛果》
http://fb.com/appledailyent