蕭正楠同何傲芝喺今年1月已經分咗手，而分手嘅導火線係爆出咗何傲芝夜會大隻男，報道指「雪雪雪」當時係嬲到即刻收返俾何傲芝嗰架車，仲即時同女方斬纜。

今日就有周刊報道爆料，原來收車件事，內裡大有文章。話說何傲芝架車係蕭正楠同佢拍拖嗰時買俾佢，之後何老豆破產，何傲芝就做孝順女俾咗架車老竇，但又嘈自己冇車揸，係都要蕭正楠買多架俾佢。

何傲芝喺扭計買車嘅同時，就爆出咗單大隻仔新聞，兩個鬧大交嗌分手，何傲芝就用絕招，諗住發吓晦氣扮嘢話俾番架車蕭正楠，一心諗住佢會氹番自己就當無數，點知蕭正楠嚟真決心分手，一去就無回頭兼撻著翠如BB，真係人算不如天算喇！