韋達除咗畀潘頓砌到一仆一碌外，「雷神」莫雷拉來港發展，亦為韋達帶來不少衝擊。目前「雷神」以狂風掃落葉嘅速度贏馬，唔少馬圈中人都睇好佢有機爭今屆冠軍騎師寶座。告東尼表示好多練馬師都鍾意「雷神」，願意把實力馬交畀佢搏殺；而沈集成就認為莫雷拉確係好勁，不過始終落後潘頓逾20Ｗ，今季難追，下季就唔同講法。
另一方面，姚本輝早年帶領前馬王「蓮華生輝」遠征新加坡，當時莫雷拉在星洲仍未冒起，但輝哥睇完「雷神」陣上表現，已對大班香港記者讚呢位後生仔有潛質，將來必成大器。估唔到輝哥除咗揀質新馬叻，睇騎師都獨具慧眼！如果馬會開個彩池，猜誰是今季冠軍騎師，一定很有趣。