黎瑞恩將會喺4月5及6日喺紅館舉行演唱會，今日喺尖沙嘴舉行記者會，善心滿載既小恩子將收益做善事，購買洗腎機捐往香港腎臟基金會。

相隔16年再喺紅館開個唱，內部認購門票反應熱烈，現時小恩子一堆飛債，佢話好多朋友留飛，個唱上佢會有跳舞環節，佢個女成日跳K pop舞，可以教下小恩子，佢話：「佢叫我唔使驚，會教我。同事恐嚇我要跳勁舞，相信歌迷非常期待，我入行以來唔多快歌，今次主要串埋其他快歌。」

至於女兒要返學，4月才回港，所以仔女應該唔上台表演，只會坐台下欣賞媽咪演出。為個唱小恩子積極減肥，希望多減15磅，新年見到糕點要忍口：「好羨慕大家姐（周慧敏）咁勁，減到101磅，我做女都未試過。」表演嘉賓方面，每晚邀請2至3個前輩級歌手，但暫時不公佈名單。

精選娛聞，喺晒《娛果》
http://fb.com/appledailyent