志在表揚有傑出表現有色人士嘅美國BET頒獎禮，今日喺洛杉磯舉行。日前因為打兒子嘅美足教練而被捕嘅饒舌歌手巨星Diddy首次蒲頭，佢上台同LilKim表演嗰陣，太興奮睇唔到台嘅機關有個窿，而成個人跌咗落台，認真黑仔。

不過好在佢冇乜大礙，台下嘅觀眾立即夾手夾腳推番佢上台。Diddy應該都冇乜事繼續唱埋佢，都幾專業。佢事後喺twitter話只係整親少少個patpat。