唔少女星為維持好身材都會選擇地獄式節食，不過原來唔止女星，韓國53歲男星金相中為維持身材，就堅持一日只食一餐。

曾演出《壞傢伙們》、《城市獵人》等人氣劇嘅金相中，雖然已經年過五十，不過身材依然好。於節目《有品位地吃吧》中，金相中就公開佢嘅減肥餐單，就係一日只食一餐。

節目中，金相中於第一日中只食一條香蕉，第二日佢就食蕎麥麵及餃子。而第三日，金相中話因為前一日食咗高卡路里嘅餃子，唔肚餓嘅話就唔打算食飯，因此只飲咗一杯美式咖啡。金相中更表示佢堅持一日只食一餐，已經堅持咗六年，又指因為覺得自己係飲水都肥嘅體質，因此只好減少飲食。

對於金相中嘅極端節食做法，網民都表示非常驚訝，而且認為好唔健康，更有人擔心金相中會營養不良。

精選韓流，喺晒《娛果》
http://fb.com/appledailyent