前年結婚、去年8月升呢做媽咪嘅韓劇《她很漂亮》33歲女星黃靜茵，近日產後復出孖男星南宮珉拍攝SBS新劇《訓南正音》，新劇將於下周三首播。黃靜茵最近頻頻喺Instagram上載趕工拍攝嘅近照，至於劇組今日亦公開咗黃靜茵嘅新劇照。

黃靜茵於劇中飾演視愛情同婚姻為一生一世、卻因為忙於生計而放棄戀愛嘅女主角柳正音，公開嘅劇照中可見黃靜茵身穿泳衣晒身材，並企喺10米高台上準備跳水，原來劇照係講返黃靜茵嘅角色曾係跳水選手。劇組工程人員亦指，黃靜茵為咗消化角色，特地進行咗2個月嘅游泳及跳水訓練，專業程度值得加許。

更多韓流，喺晒《娛果》
http://fb.com/appledailyent