今晚李家誠及徐子淇為孻仔李建熹，豪搞千萬百日宴，而到賀賓客雲集政商界名人，包括「玩具大王」蔡志明與太太、羅寶文爸爸羅旭瑞、莊士國際主席莊紹綏與太太、呂志和、羅康瑞、何超瓊、賭王四太梁安琪、楊受成、田北俊、潘迪生與太太等。

而樂壇天后容祖兒則以表演嘉賓身份到場，祖兒身穿deepV晚裝示人，但未知是否因天氣太凍關係，搞到祖兒「飛釘」，據知祖兒喺百日宴上演唱《世上只有》及《我的驕傲》。

除咗容祖兒外，原來前愛爾蘭男子組合Boyzone成員RonanKeating，都係今晚表演嘉賓，祖兒喺instagram上載佢同RonanKeating及徐子淇合照，祖兒並送上祝福：CongratulationstoCathyandyourbabyboy!